Макулатура

Макулатура – ул кәгазь һәм катыргы калдыклары, яраксызга чыгарылган һәм кулланудан чыккан кәгазь, катыргы, типографик эшләнмәләр, эш кәгазьләре. Макулатура икенчел чимал сыйфатында кулланыла, аннан кәгазь, төргәкләү катыргысы һәм төзелеш материаллары җитештерәләр. Макулатура куллану агачны экономияли, урманнарны кисүне киметергә мөмкинлек бирә.

Макулатура кабул итү өчен төп шарт – ул чиста кәгазь. Тапшырыр алдыннан аны кыстыргычлардан, скотчтан, полиэтиленнан арындырырга кирәк. Кәгазьне 5-7 тапкыр яңадан эшкәртергә мөмкин, шуннан соң ул яраксызга әйләнәчәк.