Инсектицид

Инсектицидлар – хуҗалыкта яки табигый бергәлектә кирәкмәгән бөҗәкләрне личинка, йомырка, курчак стадиясендә юк итү өчен кулланыла торган матдәләр ул. Корткычлар авыл хуҗалыгы продукциясенең сыйфатын төшерә, үсемлекләрнең җимеш бирергә өлгермичә һәлак булуына китерә. Инсектицидлар ешрак бөртекле, җимешле культураларны һәм яшелчә культураларын, бәрәңгене эшкәртү өчен кулланыла. Иң яхшы нәтиҗәләргә ирешү өчен, инсектицидларны файдаланудан тыш, корткычларга чыдам сортларны кулланырга, личинкаларны һәм олы бөҗәкләрне юк итү өчен, туфракны эшкәртергә кирәк.