КОЛ ГАЛИНЕҢ «КЫЙССАИ ЙОСЫФ» ПОЭМАСЫННАН ӨЗЕК

Шулай михнәт китеп, рәхәт көннәр килде,

Йосыф Мисыр җирендә зур патша булды,

Иляһ аңа зур мәмләкәт насыйб кылды, –

Бөтен эшен игелек белән эшләр имди.

Кодрәт белән Халикъ аны итте барлы,

Хөкме дөрес, гакълы камил, үзе гарьле,

Дине бөтен, гыйльме төгәл, йөзе нурлы, –

Йөзен күргән җанын фида кыла имди.

Газиз Йосыф бик күп гаскәр әзер кылды,

Атасын каршы алырга үзе барды,

Быргы-чыңнар һәм нәгърәләр яңрап торды,

Чабыш атлар матур итеп кешнәр имди.