Биочистарту

Биочистарту – ул, катлаулы органик матдәләр белән тукланып, аларны гадирәк матдәләргә әверелдерүче тере организмнар ярдәмендә су һәм туфракларны чит яки зарарлы агентлардан арындыру. Суны чистарту ике типтагы бактерияләр – аэроб һәм анаэроб бактерияләр – кулланып башкарыла. Аэроб микроорганизмнарга эшләү өчен кислород булу кирәк. Анаэроб бактерияләр һава үтеп керми торган йомык системада эшли ала. Микроорганизмнардан тыш, биочистарту өчен су үсемлекләренең үсентеләрен файдаланалар. Нефть продуктларыннан югары төзелешле үсемлекләр дә чистарта. Мондый үсемлекләр исәбенә курак, тар яфраклы җикәнбаш һәм күл камышы керә.