Альтернатив ягулык төрләре

Альтернатив ягулык төрләре – күпкә кыйммәтрәк һәм дефицит ягулык төрләренең энергетик ресурсларын куллануны киметә һәм алыштыра торган ягулык төрләре. Альтернатив ягулык төрләрен куллану углерод диоксидының CO₂ атмосферага чыгарылу күләмен шактый киметә.

Альтернатив ягулык төрләренә мисаллар:

• Файдаланылган майдан, рапс, пальма, хайван майларыннан җитештерелә торган гидрирланган үсемлек мае.
• Рапс орлыгы, үсемлекләр, файдаланылган кулинария маеннан һ.б. эшләп чыгарыла торган биодизель ягулыгы. Биодизельны дизель ягулыгы белән кушарга яки чиста килеш кулланырга мөмкин.
• Төрле чималдан алына торган биогаз. Әмма иң экологик ысул булып җирле чүп-чарны яки калдыкларны эшкәртү ысулы тора. Молекуляр составы буенча биогаз табигый газдан аерылмый, ләкин яңартыла ала, ә табигый газ казылма калдыкларыннан табыла.
• Биоэтанолны шикәр камышы, бодай, кукуруздан алалар.

Альтернатив ягулык, үзенең төрлелегенә карамастан, эксперименталь ягулык булып тора. Шуңа күрә кулланучылар гадәти ягулык – дизель ягулыгы, бензин һ.б. куллана.